هو دا الحب

موضوع: هو دا الحب الأربعاء يونيو 24, 2009 1:20 pm

هوة دا الحب
الحب:
الله على الكلمة دى
جميلة رقيقة حساسة
صادقة بريئة
ما حدش قدر يعرف الحب الا انه احب
لو كنت عاوز تعرف يعنى ايه حب تعالى نعمل التجربة البسيطة دى مع بعض
غمض عنيك بس استنى غمض بعد ما تخلص قراءة طبعا
اسرح شوية كمان كمان كمان شوية بس كدة كفاية
استحضر صورة واحد انت بتحبه قوى فكر فيه
مثلا واحد صاحبك بتفضفضله مشاكلك وهمومك بتحس انك لما بتكلمه بترتاح بعد ما تكون حاسس ان الدنيا كلها فوق دماغك
بتخرجوا مع بعض بتاكلوا مع بعض عارف اهله وعارفينك جدع جدا معاك
السؤال بقى :لوغاب عنك كام يوم بعد ما كنت بتشوفوة كل يوم
هتحس بايه ؟ وحشك قوى مش كدة؟
هوده الحب
ها ادينى سهلتها عليك جرب لوحدك المرة دى اقعد وافتكر لما كنت تعبان نايم فى السرير
سخن وبتكح وحالتك صعبة وبتقول آه
مفيش حد جانبك غير امك قاعدة بتنام على يارب اشفيلى ابنى نفسك تقول ايه ساعتها ؟
هودا الحب
معلش جرب تانى وانت بتقلب فى التليفزيون لقيت واحد نازل يشتم فى دينك ونبيك وبيقول كذا وكذا وانت عارف انه كداب
نفسك تعمل ايه وقتها ؟ تاكله مش كدة
علشان بتغير على دينك او بتحبه
هو دا الحب
ماشى فى الشارع لقيت واحد فى الارض بيدور على حاجة ياكلها صعب عليك المنظر قمت حطيت ايدك فى جيبك واديته اللى قدرت عليه
وطيبت خاطرة بكلمة حلوة
بتحب تعمل كده خير والحمد لله
هودا الحب
بتحب امك بتحب ابوك بتحب اختك واخوك ؟
هودا الحب
بتحب بيتك بتحب الشارع بتاعك
بتحب بلدك رغم كل حاجة ونفسك انها تتصلح وتبقى احسن بلد فى الدنيا ؟
هو دا الحب
وطبعا طبعا وقبل كل ده بتحب ربك
وبتحب رسولك صلى الله عليه وسلم
وهو ده الحب الاكبر
هو دا الحب
معرفتش اكتب له تعريف
الا انه حاجة متتكتبش
الحب احساس جميل ما يتوصفش

هتسألنى طبعا :بعد الكلام الحلو اللى قلته ده امال الحب اللى الناس كلها بتتكلم عليه ده يبقى ايه ؟
للأسف اكتر كلمة اهينت واهين معناها السامى هى كلمة الحب
باختصار اللى بنشوفة فى الافلام والمسلسلات وللأسف فى الجامعة والشارع مش حب ابدا ده بالعربى كده
استظراف تسلية تضييع وقت ضحك على بنات الناس
اى حاجة غير انه يتسمى حب ابداُ
معظم هذه الحالات التى يحسب اصحابها انهم يحبون لا تنتهى بالزواج وده معناه تأثير نفسى كبير على الطرفين وللاسف التاثيرده بيستمر حتى بعد ما كل واحد من الطرفين يتجوز
اليك هذين المشهدين الحقيقين
مشهد رقم 1
المكان احدى الكليات فى جامعة مصرية
البنت: احنا خلاص قربنا نخلص الترم التانى ودى آخر سنة والحمد لله واظن يا ـــــــــ ان الوقت مناسب انك تتقدم لبابا
الولد :نعم آه بس
البنت:بس ايه؟
الولد بصراحة كدة :انا مش جاهز خالص انا اساسالسه هادخل الجيش
وبعدين ياعالم انا هاشتغل امتى ولسه هحوش
بصراحة كدة يا ــــــــــ انا مش عايزك تتبهدلى معايا شوفى طريقك
البنت:يعنى الاربع سنين اللى فاتوا دول ضاعوا و
الولد:بصى من الاخر انا متجوزش واحدة بتمشى مع شباب مع السلامة

مشهد يتكرر كثيرا واليك هذا المشهد المشابه
مشهد رقم 2
المكان :نفس المكان السابق
ان شاء الله يا ـــــــــ اول ما تطلع النتيجة واتخرج هتقدم لوالدك علطول يعنى هانت
البنت بصراحة يا ــــــــــانا متقدملى عريس لقطة
الولد انت بتقولى ايه ؟
البنت: خلينا عمليين يا ــــــــ انت لسه هتدور على شغل امتى بقى هتجمع فلوس الجهاز والشبكة بصراحة احنا مش لبعض مع السلامة
للأسف المشاهد دى حقيقية ومتكررة جدا وشفناها كتير فى الجامعة وغير الجامعة
هذا الحب الواهم ليس حباُ طاهراُ شريفاُ كما يقولون فانه ينال اول ما ينال من سمعة الفتاة واهلها
الحب الطاهر يكون حب الزوج لزوجتة وحب الزوجة لزوجها
هذا هو الحب الذى علمنا اياه محمد بن عبد الله صلى الله عليه وسلم الذى سئل امام الصحابة من احب الناس اليك ؟ فقال عائشة

اخى احبيب
اختى الحبيبة

الحب كلمة عظيمة طاهرة
الحب غريزة لا نستطيع الاستغناء عنها ولذلك شرع لنا الله الحب الحلال وعدد انواعه ومنها بالتأكيد حب الرجل للمراة وحب المرأة للرجل ولكن الكثيرين منا لا يوزع عواطفة بالطريقة الصحيحة ولا يراعى الحدود التى امر الله تعالى فى المعاملة بين الجنسين
وزع عواطفك واملأ قلبك بألوان من الحب
تكن اسعد الناس
وفى النهاية لا انسى ان اقول لك
انى احبك فى الله

ميرسى كتييييييييييييييييييير على الموضوع الاكثر من رائع وهو موضوع مهم بجد وانت بجد فسرت كل معانى الحب وشكرا على التوضيح ده والاسلوب الرائع والراى الجميل عجبنى اوى الجمله دى الحب الطاهر يكون حب الزوج لزوجتة وحب الزوجة لزوجها فعلا هو ده الحب الشرعى وميرسى ليك مره تانيه يامحمود

» احلى ما قيل فى الحب
» اصول الحب
» اسئلة جريئة عن الحب هام جداا